Page 19 - MIN ON_Neat

TNO Caribbean cu educacion riba energia solar pa Colegio
EPI

Monday, 08 May 2017 12:05
Comparti

Recientemente TNO Caribbean a organisa un programa educativo riba energia solar pa Colegio EPI
(Educacion Profesional Intermedio) in Aruba. Esaki tabata un programa educativo specialisa riba
technologia Photo-Voltaico (PV) designa door di TNO Caribbean den cooperacion cu Sr. Carlos Martinus,
Dean Of Academic Affairs di e Unidad Sciencia & Technologia di Colegio EPI.

E proyecto aki ta parti di TNO su compromiso pa tranferencia di conocemento y creamento di capacidad
den energía renobabel na Aruba y den region. Un total di 63 studiante local di EPI di electrical,
mechanical y civil a paricipa den un programa cu tabata inclui un resumen di technologia Photo-Voltaico
duna door di expertonan di TNO Caribbean. Esaki a wordo sigui pa un tour door di e TNO Solar Test Site
na Colegio EPI pa asina sinja over e aspectonan practico di energia solar. E studiantenan tambe a ricibi
oportunidad pa haya experiencia cu ehercisionan practico unda e studiantenan mester a haci nan mesun
tests cu mobile solar training kits (MTT). E equiponan aki a keda adkiri door di TNO Caribbean for di
Arizona State University y fia na Colegio EPI pa e meta aki. Un di dos focus tabata e entrenamento di un
total di 12 maestro di EPI. E maestronan aki a atende un ‘Train the Trainers course’ di dos dia riba
technologia Photo-Voltaico coordina door di TNO Caribbean y duna door di un instructor di Arizona
State University (ASU) for di Merca. E meta di e curso aki tabata pa haci e staf di maestro di Colegio
EPIUnidad Sciencia & Technologia suficiente capable pa despues nan mes por duna e educacion
specialisa aki.

E motibo pa organisa e actividadnan aki ta pa crea interes bao di studiantenan pa un carera den energia
renobabel y pa yuda engrandece capacidad den un populacion local di profesionalnan Arubano specialisa
cu por drenta e industria solar na Aruba y depues tambe e region Caribense. For di e un perspectiva di
transferencia di technologia, e training aki tambe ta emfatisa algun aspectonan unico cum mester tuma
den consideracion den region Caribense. Ehemplonan di esaki ta e solo fuerte, systemanan di islanan y
con pa trata cu condicionan climatologico duro (salo, stof, temperatura, biento). Un encuesta conduci na
final di e curso a indica cu por lo menos 64% di e studiantenan lo ta interesa pa persuigui un certificacion
professional den technologia Photo-Voltaico. Esaki ta bon noticia pa e sector aki cu ta creciendo y cu ta
crea oportunidad un forsa laboral local. TNO Caribbean lo continua di ta un partner local pa yuda crea
capacidad local y haci investigacion riba solucionan local pa energia renobabel.