Page 38 - MIN ON_Neat
P. 38
Astrid Britten: Biblioteca Nacional na Playa tin su retonan
Sunday, 07 May 2017 16:54
Comparti
Airco na Biblioteca na Playa semper tabata algo fastioso, segun directora Astrid Britten. E tin su
retonan. Esaki ta basta remedia, aunke cu por bisa cu e no ta completamente bon.
Door cu tin un onderhoudscontract cu e compania cu a haci e renobacion pa loke ta trata e
sistema di airco, tin toch un bon sosten riba esey cu ora cu tin problema nan tey y nan ta bin.
E edificio a wordo entrega na 2012. Un biaha mas, tin cu bisa un 5 aña pasa y naturalmente
esey tambe ta rekeri cu mester keda mantene e edificio. Britten mes a constata algun kozijn cu
ta putri. Esakinan pronto lo wordo treci na conocemento tambe di e departamento concerni di
Gobierno cual ta DIP, cu ta encarga cu mantencion di nos edificionan. Ta importante tambe pa
no laga e edificionan bay den un situacion ora cu despues no por manehe. E ta asina hopi
deteriora cu cada dia e ta bira mas grandi.
Vandalismo
Segun Britten vandalismo ta menos. Tin e reto cu cierto usuarionan. Algun di e usuarionan cu
kisas ta comporta nan mes no tur ora manera cu ta desea, pero esaki tambe a remedia cu tin
un security parti atardi. Tur e cosnan aki ta purba di tin un contesta riba dje pa logra pa tin un
ambiente di siguridad na e edificio na Playa, Britten a contesta.
Trafico di hende
E trafico di hende tey, mas cu nunca pasobra mas y mas tambe e sistema di educacion ta rekeri
cu nan mester traha den grupo. Mayoria di mayor ta traha. Hopi di nan ta haci nan afspraak pa
nan reuni na biblioteca pa traha riba nan proyecto. Despues di 1’or y mey, e ora ey ta despues
cu scol ta caba, ta mira e trafico ta bira hopi grandi. Naturalmente cu modernismo tambe bo ta
purba di tin, cual ta trahando riba un catalogo, unda cu publico por wak locual cu tin den nan
sistema, pa e ta online. Dado momento por mira adelanta, prome cu bay biblioteca, kico ta e
materialnan cu tin.
Paar di cos cu tin cu regla, tanto e compania di afo y dia cu tabata trahando cun’e, pa por ta
live cu e sistema eynan.
