Page 42 - Djarason 31 oktober 2018.pdf

42 Djarason 31 òktober 2018
Kontinuashon di pagina 39 aviso@extra.cw
Tin interesadonan pa

nesesario na momentu
di findishi. Ta pidi e suma
di 8 mion dòler p’e hotèl.
For di aña pasá Plaza
Hotel a sera su portanan.

Hotel Howard Johnson
riba Brionplein tambe
mester bai un di dos
findishi promé ku e aña
aki kaba.
Dia 17 di òktober
último tabatin un findishi,
pero no a logra di bende e
hotèl.
E hotèl tambe ta sera.
Segun minister
Martina, e findishi di
Howard Johnson no a bai
bon, debí na falta di algun
splikashon korekto na
esnan ku a partisipá den
e findishi.
Awor ku e kuestionnan
di e findishi ta bon kla,
tin interesadonan ta
papiando ku e kurator. E
espektativa ta ku e hotèl
aki tambe lo bai findishi
den fin di e aña aki i tin
interesado kla pa kumpra.
Pa loke ta trata Hotel
Otrobanda ku tambe ta
pendiente pa bai findishi
dia 7 di novèmber awor,
minister Martina a bisa
ku el a haña informashon
ku tin interes pa kompra
dje hotèl aki tambe.
Hotel Otrobanda si
ta habrí i ta funshoná
normalmente.
Minister Martina a
deklará ku den sierto
kaso e no ta dispone di tur
informashon di bankonan
ku a manda e hotèlnan
findishi debí na debe.
P ues ta di spera
ku pa fin di aña aki e
hotèlnan por keda bendé
na findishi, p’asina 2019
por habri ku yen di kupo
di trabou.