Page 31 - AVP

Parlamentario Richard Arends: Relacion Entre Aruba

Y Hulanda No Ta Den Su Mihor Momento

 Politica
- 27/06/2019

Parlamentario Richard Arends ta participando den reunionnan di IPKO cu ta tumando
lugar na Hulanda. Den e prome dianan tabatin reunionnan bi-partite, mientras cu ta
sperando pa den e siman cu ta bini papia riba e.o. e geschillenregeling den Tweede
Kamer.

Entremedio nan lo sigui cu e parti di lobbymento. Aruba a entrega un concepto di e
cambio di e Rijkswet, cu tur partido representa den Parlamento di Aruba ta para su tras.

Ta un alternativa, pero tambe e ta honra e palabracionnan haci na 2010 y 2015 pa loke ta
trata Corte di Arbitrahe, di disputanan den Reino cu ta haci falta asina tanto den Reino
Hulandes.

RIBA MESUN LIÑA
Segun Parlamentario Arends, e ultimo simannan su coleganan tabata na Hulanda tambe.
Nan a sondea pa mira kico t’e ‘common grounds” entre e islanan, pero tambe cu
Parlamentarionan Hulandes y a logra esaki.

Parlamento di Aruba a pone esaki riba papel y a tuma nota cu e Comision Central di
Corsou no a acepta e proposicion di Aruba. Nan kier explora mas oportunidad.