Page 28 - FDLP

Chin a hunga pa Red Star, despues pa Los Leones y mas dilanti pa Chuchubi un equipo cu Jo
Thiel (q.e.p,d) a lanta. Jo Thiel (q.e.p.d) y su esposa Chaba Thiel ta mayornan di tur e
rumannan Thiel hopi popular den pueblo kendenan a hunga baseball y softball riba un nivel di
mas halto. E equipo di Chuchubi despues ta cambia di nomber y ta bira Honda y akinan Chin ta
tuma e timon over como manager di Honda. E equipo di Honda ta transofma su mes den Aruba

Video Center y Chin Thiel ta pasa di Coach pa miembro di directiva.
Hyacintho “Chin” Thiel como miembro di directiva boluntario di Aruba Softball Bond
Chin Thiel desde aña 1979 a wordo eligi como miembro di directiva di Aruba Softball Bond y a
traha mas di 35 aña boluntario pa e deporte di softball. Na 1997 a bin cambio den directiva

mientrastanto Chin Thiel a join Comision Pro Softball Organisa na aña 2004 pa asina sigui traha
y reskata softball cu a cay den un gab desde 1999 pa 2003. Chin a forma parti di directiva di
Comision Pro Softball Organisa desde 2004 pa 2010. Chin Thiel trahando incansable aña aden
y aña afor na 2010 a bolbe keda eligi como miembro di directiva di Aruba Softball Bond y ta
continua cu su pasion y trabownan boluntario. Na final di 2017 Chin Thiel ta wordo nombra
miembro di honor di Aruba Softball Bond. Chin na multiple ocasion a biaha cu Selecion como

Delegatie Leider entreotro 1986 Valencia Selecion Femenino, 1987 Corsow Selecion
Femenino, na aña 2000 Puerto Rico y recientemente Colombia na varios ocasion. Chin a traha
tambe como miembro di directiva durante weganan di Reino Juli 1995. Chin Thiel mientrastanto
ta sufriendo un kibrante di salud pero ohala cu Fe den Señor pronto nos lo por mira Chin Thiel

bek na tereno. Merecida mente Aruba Softball Bond ta reconose Chin Thiel como un baluarte di
e deporte di softball y ta dedica campeonato 2018 na su persona. Pabien Hyacintho “Chin”
Thiel y danki pa tur Bo trabownan cu Bo a eherse reconosiendo Bo amor incondicional y Bo
dedicasion y pasion cu Bo a demostra pa deportenan di Softball y Baseball. Danki, Masha
Masha Danki!!!!

http://www.awe24.com/20180815/32636/Aruba_Softball_Bond_dedicando_ca
mpeonato_2018_na_dos_Baluarte