Page 11 - KPA 25 APRIL 2017
P. 11
A bay “Tres Trapi” pa atende “Tres Hoben”
sospechoso
ORANJESTAD (AAN): Hefe encarga cu seguridad diasabra mainta a yama
Strandpolitie relaciona cu situacion sospechoso altura di “TRES TRAPI” situa riba L.G.
Smith Boulevard. E ta bisa cu tin tres mucha homber cu ta conoci di ta comete
ladronicia di vehiculonan altura di “Tres Trapi” ta loer.
E muchanan aki ta core riba dos brommer. Patruya Strandpolitie no a vacila y nan a
topa e dos brommernan altura di e “Rotonde Marriott” y polis a para nan.
Ambos brommer no ta tin e documentonan cual ta wordo exigi pa ley y e
manehadornan a haya verbaal. Locual ta e dos brommernan polis a percura pa nan
wordo poni na warda di polis Shaba.
- Ad
A recomenda choller pa no haci nada di
“Travesura”
ORANJESTAD (AAN): Diasabra anochi durante polis di Noord ta patruya nan ta topa e
conocido choller G Zuluaga pariba e Sunshine Tire Repair Shop. Polis a puntre kico e ta
hasi asina leu for cas y el a declara di tin problema na cas y e ta cana henter dia pa dia
pasa.
E ta bisti cu shirt berde y short blauw cu strepi blanco y sapato deportivo shinishi. Polis
a recomenda G pa no hasi ningun clase di “travesura” pa despues e no haya duele y el
a sigui cana direccion pabao. Polis a continua cu nan patruya y comandante riba
servicio a wordo notifica.
