Page 58 - KPA 25 APRIL 2017

Gobierno a traha pa logra e tereno y awe Alto Comisario ta
contento cu e cancha nobo pa Polis train nan tiramento

Monday, 24 April 2017 21:43
Comparti

E mandatario di infrastructura tabata presente na Vader Piet ora di e presentacion final di e cancha di
tiro. Segun minister di infrastructura, Benny Sevinger

, a splica cu nan infrastructura ta hunga un rol den e destaho, den controla e proyecto, a hacie e biaha aki
hunto cu FDA, cu ta esnan cu a financia e proyecto aki, cu awe a haya e yabi y pase over pa alto
comisario, y e instructornan cu ta bay maneha e facilidad aki. Ta un facilidad compeltamente nobo, unda
cu Cuerpo Policial y tur departamento cu ta carga arma ta bay haya e facilidad aki pa nan bay train, educa
y tene nan mes na altura di desaroyo nobonan di cual ta tiro. Ta contento con e proyecto na e momento
aki a yega na e fase, unda cu ta dun'e bek. Ta un proyecto cu a costa 2 miyon, pero ainda falta algun
detaye. E minister a gradici tur esnan cu a traha riba e proyecto aki, entre nan DOW, FDA, Bohama,
Cuerpo Policial, Minister di Husticia, kende a para duro pa su proyectonan y tambe pueblo di
Aruba, pasobra esaki ta mustra cu ta inverti den Cuerpo Policial, pa duna nan e facilidad pa nan prepara
nan mes pa combati criminalidad.
Segun Alto Comisario, Dolfi Richardson, a splica di su banda cu e lema nobo no ta solamente meer
blauw, pero beter blauw. Mas miho getrain e hende nan ta, mas profesional e organisacion ta. Pesey ta
contento cu e facilidad aki. No ta pa cuerpo policial so, pero pa tur instancia cu ta carga arma, por bin
haci uzo di e facilidad aki. Tambe lo manda un invitacion pa e schietbondnan pa bin haci nan
entrenamento na e facilidad aki.
Te ainda e bieu ta habri, pero esun na Vader Piet lo bay ta operacional dentro di poco. E proyecto aki a
tarda un tiki pasobra mester a tene cuenta cu aspectonan siguridad. A haya bon sosten di
Marinierskazerne y diferente instancia di Hulanda cu a yuda cu e parti cu e normanan di siguridad, e alto
comisario a splica.