Page 29 - MIN ECEM 7 JAN 2017
P. 29
18 AWEMainta Diasabra, 7 Januari 2017
SEGUN sra. Arends-Reyes, ta hopi importante pa keda
enfoca riba un mercadeo hunto cu un plan bon ehecuta pa
trece mas turista Norte Americano pa Aruba.
E mercado Norte Americano ta nos mercado primordial y den
e caso cu por aumenta e capacidad di asiento pa atrae mas
trafico pa Aruba miho. E esfuersonan cu a ser haci pa a logra
den negociacionnan tabata grandi mirando cu no ta di awe
pa mayan ta yega na trece vuelonan extra, diario pa Aruba.
Tur destinacion turistico den Caribe tambe lo ta purba di
aumenta asientonan disponibel pa nan destinacion. A com-
prende cu a tarda 3 aña prome cu a logra trece vuelonan
directo di Fort Lauderdale pa Aruba. Fort Lauderdale ta un
di e hub nan grandi banda di esun di Miami.
E aerolinea di JetBlue ta hopi gusta y conoci bou di nos bishi-
tantenan, especialmente JetBlue ta conoci pa su vuelonan
di New York y Newark.
E bishitantenan cu ta atrae di e destinacionnan aki ta bishi-
tantenan cu tin e capacidad di compra halto y cu ta den
busca di un experiencia unico. Aruba su mercadeo ta hopi
presente na e ciudadnan aki, awor cu e combinacion di extra
capacidad di asiento e ta haci e escogencia pa yega Aruba
hopi mas facil.
Sra. Arends-Reyes tabata presente pa e yegada di e vuelo
inaugural di e servicio di Fort-Lauderdale Aruba di JetBlue
den calidad di presidente di comision fiho di Turismo di
Parlamento di Aruba.
Alavez sra. Arends-Reyes kier a tuma e oportunidad pa fe-
licita e team di profesionalnan cu a logra pa awe Aruba tin
un aumento den capacidad di asiento.
