Page 33 - AHATA
P. 33
ATA cu ayudo pa ‘hope for paws'
celebra dia internacional di bestia
Posted on 10/6/2019 7:09 pm AST | Updated on 10/6/2019 7:10 pm AST
ORANJESTAD - E fundacion Hope for Paws ta un organisacion cu ta colecta entre otro
cuminda pa pushi y cacho y ta percura pa esaki yega na e diferente animal shelter cu tin
den nos comunidad. Nan a inicia cu e bunita gesto aki november 2018 y durante aña 2019
nan a aserca famia, conocirnan pero tambe diferente instancianan pa nan aporte.
Amayra Boekhoudt di e departamento Trade Relations di A.T.A. a tuma e iniciativa pa
colecta donacion for di su coleganan. A logra cumpra 12 saco grandi di cuminda pa cacho
mas dos saco grandi di cuminda pa pushi. Diabierna dia 4 di october (Dia Internacional di
Bestia) e ekipo di A.T.A. a entrega e donacion na e organisacion di Hope for Paws.
A.T.A. ta expresa su gratitud na tur colega cu a contribui na e bunita gesto aki y sigur
esaki por sirbi como un ehempel pa otro compania/instancianan den nos comunidad. Riba
potret por mira ekipo di A.T.A. cu hunto a haci entrega di nan donacion na
representantenan di e fundacion, cu ta Stacey y Shanley Banfield.
