Page 7 - ARUBA BANK

DISIDENTE DI AVP KIER TIRA TUR CULPA

RIBA MEP PA E DESASTER FINANCIERO

CREA DURANTE E ULTIMO 8 AÑANAN

May 15, 2017 Admin Uncategorized Leave a comment

Partido MEP a tuma nota siman pasa di un comunicado di sr. Franklin Kock,
caminda el a haya ta bon di ataca MEP y te hasta su ex-partido AVP (!) pa e
hecho cu e debe nacional di Aruba a aumenta drasticamente desde 1986. No por
otro tampoco, ya cu sr. Kock kende no kier ta liga mas na partido AVP y
supuestamente lo a join un partido nobo, awor kier hinca partido MEP tambe di
carambola den e desaster financiero cu su partido AVP a crea durante e ultimo 8
añanan. Den un forma hopi amateur sr. Kock a relata e desaroyo di nos debe
nacional y aki e ta uza solamente dos aña di referencia, esta 1986 y 2016, siendo
cu tur hende cu sano huicio ta testigo cu e drama financiero mes a cuminsa na
final di 2009.

Gabinete Mike Eman a hereda un gobierno caminda nos debe nacional tabata
rond di 40%, pero cu den transcurso di e ultimo 7 añanan esaki a ser aumenta
te 87% na 2016. Hecho ta cu tur rapport di IMF, Fitch, Standard & Poor’s, Banco
Central y CAFT ta mustra riba e desaster financiero aki, pero sr. Kock siendo un
gran AVP-ista durante tur e añanan aki no tabata kier a mira ni tende di esaki.
Alavez sr. Kock no mester lubida cu e consecuencianan devastador di henter e
desaster financiero no ta termina e aña aki y ni otro aña, pero lo continua te cu
aña 2040 (lesa rapport CAFT), caminda lo por yega bek na e porcentahe di 40%
di debe cu MEP a laga atras na 2009.

Alavez mester enfatisa cu Gabinete Eman a kibra tur record mundial pa loke ta e
deficit financiero, caminda a registra deficitnan di riba 440 miyon florin tanto na