Page 4 - Djamars 2 oktober 2018.pdf

4 Djamars 2 òktober 2018
Minister Martina
InterCaribbean

Airlines ta e
úniko partner di
negoshashon
pa Insel
Na e momentunan
aki
WILLEMSTAD. - Manera
EXTRA a publiká ayera One
Laser Group (OLG) a yama
ayó i no ta sigui mas den e
negosiashon pa atkisishon
di InselAir. Asina minister
di Desaroyo Ekonómiko
Steven Martina a konfirmá
ayera. Martina ta splika
ku gerensia di One Laser
Group ta haña ku e riesgo
ta muchu grandi. Tambe
nan a bisa ku e “business
case” pa bira un partner
stratégiko di InselAir no
tabata sufisiente bon. OLG
ta sigui ku nan aktividatnan
den mundu di aerolínea.
Nan lo sigui ku nan plannan
ku nan tin ku Aruba,
República Dominicana i
Venezuela. Martina: ‘Na
e momentunan aki ta
InterCaribbean Airlines so
nos ta negoshando kuné.
Nos ta purba yega na
klaridat na fin di luna aki.
Pasobra fin di luna nos
tin ku komuniká bèk na e
hues ku a hiba e proseso.
P’esei fin di luna pa nos ta
sumamente importante pa
nos ta riba un liña.’
Martina ta splika ku
tambe e lo ta un bon
momentu ‘ku nos por yega
na klaridat i finalisashon.’
Martina a splika ku si na
final e no ta e kaso ‘nos tin
un aña i tres luna te ainda
ku e suspenshon di pago
(surseance van betaling)
ta keda na vigor.’ Segun
Martina si lo no yega na un
akuerdo ku InterCaribbean
Airlines ‘nos tin dos otro
grupo ku nos lo por kuminsá
negoshá kuné. Pero na e
momentunan aki nos no ta
negoshando ku nan.’ Uniko
partner di negoshashon
na e momentonan aki ta
InterCaribbean Airlines.
Manera ta konosí fin di
luna di ougùstùs hues a
duna InselAir un espasio
adishonal di un aña i mei
mas pa loke ta trata e
suspenshon di pago. Hues
a indiká ku durante di e
periodo di un aña i mei lo
tin dos momentu ku hues
ta evaluá si InselAir ta
logrando e meta pa baha
su gastunan. E fechanan ta
stipulá kaba, esun promé
ta 30 di òktober i 30 di
desèmber.