Page 15 - bon-dia-aruba-20190701
P. 15
A15
HENDE Dialuna 1 Juli 2019
Fundacionnan local pa bienestar di bestia a tene Dia di Adopcion
ORANJESTAD – Fundacion Nine Lives Aruba, cu ta
dedica na rescata pushinan di caya, a tene nan Dia di
Adopcion hunto cu fundacion Luna, unda nan a uni pa
yuda comunidad conoce y adopta un miembro nobo di
famia.
Fundacionnan local pa bienestar di bestia hopi biaha tin nan
man yen. Nan boluntario ta traha incansablemente pa yuda e
miles di cacho y pushi cu di un forma of otro ta termina riba
caya, y tambe yuda comunidad cu cualkier problema relaciona
cu mascota. Gran parti di e bestianan rescata aki ta biaha pa
Merca of Hulanda, unda nan ta wordo adopta.
Fundacion Luna su meta principal ta educacion y conscienti-
sacion. Sinembargo, frecuentemente nan ta haya nan mes cu
cantidad di animal den nan cuido.
Keda cerca e fundacionnan no ta e miho solucion pa e animal-
nan aki, ya cu ambiente ideal pa pushi y cacho ta cu un famia
cu lo cuida nan, y ademas e fundacionnan mester di espacio pa
sigui yuda mas bestia. Pa e motibo aki, Luna a uni Nine Lives
su Dia di Adopcion.
Sinembargo, como parti di nan esfuersonan di conscientisa-
cion, e fundacionnan lo desea pa pueblo di Aruba mes tuma
responsabilidad pa nos propio problema di bestia riba caya.
Bestial Aruba regularmente ta e sede di Dia di Adopcion di
Nine Lives, y e biaha aki no tabata excepcion. E actividad ta-
bata positivo, unda algun di e animalnan a conoce nan ‘famia pa
semper’ y asina a logra haya un cas, un famia, y cuido adecua.
