Page 15 - HOSPITAAL

26 AWEMainta Diamars, 14 Februari 2017

Grupo Flor di Bini Bini cu un otro actividad exitoso

Charla interesante encuanto Alzheimer y

coronacion di Valentina y Valentino di grupo

RECIENTEMENTE, Grupo Flor di Bini Bini tabatin un otro
actividad exitoso. Grupo ta reuni cada pasa un diabierna na Centro
di Bario Noord.

Miembronan di Grupo Flor di Bini Bini a ricibi un charla encuanto
Alzheimer presenta pa dr. Maritza Ordóñez. Un tremendo charla
cu a pone tur miembro sinta y scucha atentamente.
Ta bon pa nos biba prepara. E por toca cada un di nos of un famil-
iar. Miho nos por constata e simptomanan y sa di e consciencianan
miho nos sa con a actua y kico pa haci. Grupo Flor di Bini Bini ta
gradici Dr. Ordóñez pa su tremendo charla.

Despues di e parti educativo di e actividad a pasa pa e parti di
ambiente yena cu musica y baile. Como parti importante di e parti
aki ta pa saca Valentino y Valentina di Grupo Flor di Bini Bini,
anticipando e Bunita celebracion di mayan. Valentina a keda den
persona di Andrea Kelly y Valentino Marcelo Ras. Cupidonan pa
aña 2017 pa Grupo Flor Bini Bini.

E siguiente actividad di Grupo Flor di Bini Bini lo ta diabierna dia
17 di februari cual lo ta nos actividad di Carnaval. Nos lo cuminsa
cu un Jump Up pa nos grandinan cu lo sali 9’or y mey di mainta
di Giselle Department Store y lo caba na Centro di Bario Noord.
Dj’ey lo sigui cu coronacion di nos Reina y P&P. Alabes lo saca e
miho disfrasnan y tur miembro por sigui gosa y baila riba musica
Carnavalesco.