Page 16 - FLIP
P. 16
34 AWEMainta Diasabra, 3 December 2016
Awe henter dia, como parti di “T’aki Tin”
Mercado Santa Rosa cu un cantidad grandi
di producto local den centro di Oranjestad
MANERA ta conoci y a wordo anuncia durante comienso di e
siman aki pa Gobierno di Aruba y organisadonan, Departamento
di Agricultura, Cria y Pesca tambe ta forma parti di “Taki Tin” den
Caya Grandi.
E prome actividad ta tuma lugar awe 3 di december, riba Plaza Nikkie
Habibe. Departamento di Agricultura, Cria y Pesca ta presente cu su
Mercado Santa Rosa p’asina tur esnan cu pasa un rato den nos caya
principal por yega y probecha di e gran cantidad di producto fresco
y produci localmente cu e mercado ta conoci p’e.
Mercado Santa Rosa ta cuminsa for di 11’or di mainta y ta sigui te
cu 5’or atardi.
Manera ta conoci, un variedad grandi di producto local y fresco ob-
tenibel den Mercado Santa Rosa, y na mihor prijs cu tur otro caminda.
Tambe tin cos dushi obtenibel, manera bolo di diferente sabor. Por
probecha di e oportunidad pa haci pedido p’e dianan di fiesta nos
dilanti.
P’e temporada aki, no por falta e plato navideño, consistiendo di
Ham di Pasco, Galiña y Ayaca. Tin sopi cu sigur lo ta na su lugar
p’asina duna e curpa forza pa haci compras henter dia den centro
di Oranjestad.
Berdura fresco semper ta obtenibel y ta un mester den Mercado Santa
Rosa y ta productonan di productornan local.
Tin tambe un variedad di producto organico, p’esnan cu ta gusta
esaki, mescos cu algo cu tur hende ta busca den e temporada di fin
di aña, cu ta carni fresco.
Sin lubida esnan mas chikito, e Kid’s Corner, ta duna e oportunidad
pa muchanan pasa un rato agradabel y inolvidabel.
Esaki ta djis algun di un cantidad grandi di producto cu tin obteni-
bel durante Mercado Santa Rosa awe diasabra 3 di december den e
ambiente di “T’aki tin” riba Plaza Nikkie Habibe.
Pueblo di Aruba ta keda cordialmente invita pa asisti n’e mercado y
mas cu claro na tur e otro actividad y ofertanan grandi cu ta bay tin
riba e dia aki den caya principal, Caya G.F Betico Croes, caminda cu
bo haya e ambiente navideñ cu “T’aki Tin Mercado Santa Rosa”.
