Page 17 - ARUBA BANK
P. 17
Parlamentario Richard Arends: Incertidumbre
grandi den comercio pa mal introduccion di
Reforma Fiscal
January 9, 2019
“Aña nobo tin un siman aden y comerciante no sa ainda cu exactitud kico lo subi of baha den e prijsnan di
productonan di alcohol y tabaco, ni tampoco con pa atende cu stock cumpra prome cu fin di aña. E ta causando
un incertidumbre grandi, pa e forma descabeya y di ultimo ora cu a core pasa un ley den Parlamento prome cu
Pasco”, asina mr. drs. Richard Arends, miembro di Parlamento pa e Fraccion di AVP a duna di conoce awe
mainta. E ta lamenta cu ta crea e impresion cu Gobierno a pasa e ley, bay cu vakantie y awe a cuminsa traha
atrobe pa mira di unda nan a laga e proyecto aki drumi atras.
