Page 12 - FDLP
P. 12
Diabierna, 16 November 2018 AWEMainta 27
Atletanan local a participa n’e Rock ‘n’ Roll
Marathon Series di Las Vegas
WEEKEND cu a pasa nos atletanan local
di distancia largo a participa n’e Las Vegas
Rock ‘n’ Roll Marathon Series. E serie di
careda aki ta consisti di 2 dia di careda.
Un total di 9 coredor y asina a representa
Aruba na Las Vegas. Compara cu Aruba, na
Las Vegas e tempo ta hopi frieu, pero esaki
no a stroba e atletanan di haci un bon papel.
Algo diferente tambe ta cu e caredanan ta
atardi pa anochi. Un ruta yena cu entreteni-
mento y hopi show di lus riba full e ruta.
Varios di e atletanan por a mira e fruto di e
training duro cu nan a haci y a logra supera
nan PR. Algo cu a wordo hopi aprecia riba
e prome dia di careda prome cu e careda a
cuminsa e atletanan a reparti t-shirt cu logo
di Aruba p’e muchanan presente y asina pro-
mociona nos isla na Las Vegas tambe.
Sigur hopi mucha a keda contento cu nan t-
shirt y sin lubida e mayornan.
Durante full aña por wak hopi atleta local ta
train duro y asina haci tur nan esfuerzo pa
bay afo y representa nan isla di Aruba. Un
pabien ta bay na tur e atletanan aki cu nan
logro y experienca cu nan a gana y sigur no
lo t’e ultimo.
