Page 39 - Djamars 11 Desember 2018.pdf

Djamars 11 Desèmber 2018
Miembro di LBD ta stot sospechoso di
16 aña benta abou na Stadhuis
WILLEMSTAD.- Ayera durante e parti di guia di un
39
akusado pa hues komisario
den palasio di hustisia, a
surgi un insidente entre un
di e miembronan di LBD ku
un sospechoso di kual esaki
a hala hopi atenshon.
Segun informashon, e
miembro di LBD lo mester a
dal un hóben sospechoso di
16 aña benta abou, miéntras
su mannan tabata di bui.
Aparentemente e hóben
sospechoso ku a keda
transportá for di GOG i ku
mester a presentá dilanti
hues komisario sospechá
di a kometé un delito,
mester tabatin diskushon
ku e miembro di LBD entre
otro tokante e listramentu
ku a keda ehersé riba dje,
pa motibu ku e hóben
sospechoso no a gusta e
sistema di listramentu.
Aki lo a surgi un
diskushon fuerte entre e
hóben sospechoso ku e
miembro di LBD, di kual
e agente lo mester a stot
sospechoso pone ku el a kai
abou ku su mannan di bui.
E sospechoso ku a keda
bentá abou a kuminsá yora
i a bisa e agente ku un dia e
lo sali i ku e lo wak kiko ta
bai pasa kuné.
E agente dado momento
kier a bolbe ranka bai riba e
sospechoso, pero koleganan
a logra kalm’é i evitá lo peor.
Kontinuashon di pagina 38
“Bysite” a laga akusado
persona i ku awor e ta bai
dediká tempu na su kasá i
tambe su famia. Komo daño
perhuisio e amigu nobo di
e dama a pidi 25 mil florin.
Esaki pa motibu ku el a
hasi denunsia na polis ku
e akusado anteriormente a
para na su outo, dal su glas
kibra i kue su “note book” ku
despues a kibra. Tambe nan a
keda troumatisa i ku e dama
ta den man di sikólogo.
Fiskal a haña ku e
akusado a sinta 3 luna kaba
i ku esaki ta sufisiente.
Mas aleu fiskal a duna di
konos’é ku e montante di 25
mil florin ta demasiado hopi.
Mirando esaki fiskal a
hasi un demanda di 180 ora
di trabou pa komunidat, mas
5 luna di kual 2 kondishonal
ku guia di Reclassering. Hues
tambe a bai di akuerdo ku
fiskal, ku e akusado a sinta
sufisiente. Mirando esaki
hues a konden’é na 6 luna di
prizòn di kual 3 kondishonal
mas guia di Reclassering.
Tambe hues a bai di
akuerdo ku un daño perhuisio
di 500 florin pa tantu e dama
víktima komo su amigu.