Page 5 - ATA JAN 4

dje, algun biaha na inicio di su bishita y na final. Por lo
menos el a gusta e experiencia.

SU EXPERIENCIA

E turista ta conta cu enberdad pa tur turista, Aruba ta conoci pa
su beach y spa nan super bon, pero cu su interes tabata
diferente. "Ora cu mi a yega, mi a subi riba e tram na e terminal
crucero, y a sigui den un biahe trankil y a core rond den 'centro
di ciudad' " e turista ta conta. "Mi a caba full e trayectoria (e
trayectoria di e tram cu ta cuminsa na e terminal, hibabo den
centro di Caya Grandi y bek pa terminal) y mitar, prome cu mi a
dicidi di baha y haci algun compras y come algo. Pa e turista, e
tabata un experiencia hopi relahante pa pasa un atardi. E no ta
bisa si ela baha banda di e terminal na e kiosknan y busca algo
di come eybanda of den Caya Grandi.

PROME MINISTER

Recientemente prome minister Mike Eman a conta di su
experiencia den Caya Grandi ora cu e mes a bira algun turista
core den e tram, sin cu nan a baha for di esaki. Algo cu ela
considera remarcabel, teniendo cuenta cu e turistanan a para
dilanti un area di hopi actividad (mercado di Santa Rosa), y toch
a opta pa no baha. El a keda di investiga e motibo di esaki, y
bin bek cu e contesta. E relato di e turista ariba, ta mustra cu e
ta contento cu e tram, pero cu e kier a 'mira tur cos prome' y
despues dicidi di baha. Esey por nifica cu mas turista tambe ta
haci mescos, of pa falta di tempo, no ta haya e chens pa 'ripiti' e
trip y despues baha pa haci nan compras.