Page 59 - AHATA_Neat

P’e Aña Tin Tur Indicación Cu Turismo For Di Latino

America Lo Crece Cu 3.6%

 Local
- 04/06/2019

E siman aki a tuma lugar e Latin America Data Summit 2019. Esaki ta un encuentro
importante pa Oficina di Turismo Aruba (A.T.A.) ya cu ta analisa e estadisticanan di e
mercado turistico di e continente di Latino America.

Di e forma aki ta determina ahustacionnan necesario pa loke ta maneho y mercadeo di
nos isla como destino.

Entre e topiconan riba e agenda tabatin e.o. ‘The mandate for Growth – Value’ cu ta basta
cla cu su obhetivo pa haya bishita di turista cu ta gasta. Ademas a combersa di
‘Millenials’ y ‘Kico e bishitantenan ta haci durante nan estadia na nos isla’.

E mercado Latino Americano ta uno cu ta trece relativamente mas Millenials pa nos isla.
Tambe a para keto riba e mercado cu contribucion durante e lunanan mas abou
incluyendo mei, juni, september entre otro.