Page 60 - SOC JAN 9

Minister Paul Croes: FAVI por sigui conta cumi

Sunday, 08 January 2017 22:27
Comparti

E fundacion di Aruba pa esnan Visualmente Incapacita (FAVI) ta guia y apoya 320 cliente tur aña.

E problematica aki ta uno grandi na nos pais. Alrededor di 3100 persona aki na Aruba ta sufri di un of
otro problema cronico di bista. E fundacion aki ta recibi subsidio for di gobierno y cu un ajuste nobo ta
hisa e subsidio anual di gobierno te na 654.000 florin pa dicho fundacion. Minister Paul Croes encarga
cu e maneho pa personanan cu limitacion na Aruba ta contento cu e aumento aki, pero ta mira espacio
pa duna mas apoyo na dicho fundacion. "Mi por bisa cu FAVI por sigui conta cu mi apoyo. Ta un
fundacion cu ta traha den un forma serio, responsabel y cu un pasion grandi pa apoya nan clientenan.
Ta un fundacion hopi activo cu ta hasi e bida di personanan Visualmente Incapacita uno mas facil. FAVI
por sigui conta cu mi apoyo den e añanan nos dilanti", minister Paul Croes a mustra. E aumento aki,cu
no ta uno hopi grandi, ta duna asina mes e apoyo adicional cu e fundacion mester.