Page 35 - HOH

Pero na 2019, ata Gobierno kier bin cu un incinerator y un ley pa duna monopolio na
Serlimar riba maneho di desperdicio.

Aki Rainbow Warriors ta adverti cu e concepto di Maneho di Desperdicio no ta ni regla

huridicamente. E unico ley cu por reglamenta esey huridicamente ta un Ley
Ambiental. Pero esey no ta existi na Aruba.

Pa e motibo aki, despues di hopi evaluacion y tumando e consideracion cu e lo bay ta

un proceso hopi costoso, Rainbow Warriors a tuma un decision pa hiba e caso aki na
Corte Europeo.

Segun Ponson, si awe Serlimar haya monopolio, e ora den futuro cualkier compania

Gubernamental cu ta luchando pa sobrevivi, por haya monopolio tambe y e ora otro
companianan existente riba e isla tambe por somenta. A base di esey a dicidi pa hiba e
caso pa Corte Europeo.

“Nos lo bay Corte Europeo den dos diferente caso,” el a bisa. “Uno ta regarda asunto di
Salubridad Publico na Aruba, y e otro ta regarda Libre Comercio y mas importante
ainda e hecho cu un ciudadano mester tin e libertad pa escoge den cuadro di economia
circular, desaroyo sostenible, ta ken e lo duna su productonan pa recicla y kico su

escogencia ta pa contribui na economia circular.

Ponson a bisa cu Gobierno ta actuando estilo comunista, a-la-Chavez cu e ley di
Serlimar aki, kibrando lomba di companianan chikito den sector priva y pone pan di

hopi hende na peligro, y asina e compania cu monopolio lo dicidi kico bo lo tin di paga
den futuro pa recoge sushi, y kizas hasta cuminza cobra pa casnan haci uso di riool. El
a splica cu Gobierno a lubida di informa pueblo cu lo por cobra pa riool tambe.

https://www.diario.aw/2019/09/rainbow-warriors-ta-bay-corte-europeo-pa-e-cuestion-di-ley-di-
serlimar/