Page 40 - bnd

B8 LOCAL
Diamars 24 Januari 2017

Caminata for Santana Sabana

Basora pa dam di Barbacua

ORANJESTAD - Diaranson 25 januari pa 7or di mainta
ta reuni na Santana Sabana Basora. Ta sali for di
Santana Sabana Basora pa dam di Barbacua. Duracion
di e caminata ta 3 ora.
E ruta cu nos ta bay cana tabata antes caminda di auto unda
hendenan tabata coy piedra. Nos ta pasa banda di matanan
indemico manera palo di bonchi cabay, palisia blanco y dushi,
camari, cushicuri ( cadushi cu ta rama) y palo di yuwana.
Ora nos sali for di patras di Santa nos ta cana bay pa Baranca
Halto y aki nos ta wak un bunita paisahe riba Pos Chikito.
Nos ta cana riba Cero Shidaharaca anto banda links nos ta
wak e Cero Ricaso y nos ta cana bay Baranca Cora. For di
Baranca Cora ta cana bay na barica di Cero Caoshiati. For di
Caoshiati ta cana bay dam Barbacua. Hiba bastante awa, fruta
y come bon. Sunblock, pechi y un paalstok pa yuda cana ta
recomendabel. E autonan ta keda bou di vigilancia na Santana
Sabana Basora. Bon sapato ta recomendabel y carson largo. Fl
5.- pa cubri gastonan di Stimaruba. Mucha bou di 12 aña no
ta paga. Tur hende cu ta custumbra pa cana ta bon bini.

Comision Celebracion Dianan

Nacional ta informa
Diaranson 25 di januari ta

Dia di Betico 2016

ORANJESTAD –
Diaranson awo, dia 25
di januari nos ta celebra
Dia di Betico recordando
e gran estadista den
nos historia politico di
Aruba. Esaki ta lo ta un
celebracion grandi riba un
Plaza Libertador Gilberto
François Betico Croes
completamente renoba.

E ceremonia protocolar y
ofrenda floral lo tuma luga
pa 5or di atardi, sigui pa e
manifestacion cultural cu lo
cuminsa for di 06:30 p.m. pa
09:30 p.m. riba Plaza Betico
Croes riba Vondellaan.
Sr. Gilberto François (Betico) Croes d.f.m. a hunga un
rol importante den nos historia politico y Status Aparte
di Aruba. Un educador cu semper a inculca den su
alumnonan e importancia di kico ta nos norma y balornan
di un pueblo. Betico a yega di bisa cu: “Mi no ta un tata
di un famia, cu ta consisti di homber y muhe y yiunan.
Mi ta un tata particular, tata di un famia grandi, tata di un
pueblo, nos pueblo di Aruba.” Sr. Betico a stima su pais.
El a sacrifica su famia y a traha pa su pueblo. Cu hopi
carisma y El a sa di gana hopi admiracion y confiansa den
e pueblo di Aruba. El a señala e importancia di un pais den
union y a bisa: “Sea bo ta catolico, protestant of di otro
religion; sea bo ta blanco, preto of geel; sea bo ta pober of
rico; sea bo ta di Playa, Sta. Cruz, Noord of San Nicolas,
bo ta Arubiano y bo a pertenece na e pida baranca cu yama
Aruba.”
Gobierno di Aruba y CCDN ta invita henter e pueblo
di Aruba pa bin celebra ambos celebracion y na e mes
momento ta haci un peticion riba e cuidadania pa hisa bo
bandera y mira pa bo tin e bandera cu e colornan oficial
segun Ley.
E colornan corecto di e bandera di Aruba ta Geel: PMS
109C; Cora: PMS 032C; Blanco: PMS Blanco absoluto y
e color Blauw: PMS 279C.
Por cumpra di bo bandera na Central Magazijn situa na
Sabana Blanco # 34-C, telefoon 583-0320 of e-mail:
bidcm@setarnet.aw