Page 77 - ATA

Wever: RdA no a haya carta di retiro di

Richard Arends pa su funcion

Posted on 08/20/2019 12:43 pm AST | Updated on 08/20/2019 12:48 pm AST

ORANJESTAD – “Refineria di Aruba (RdA) nunca no a haya carta di retiro di
parlamentario Richard Arends, pa su funcion di director financiero”, asina Minister
Presidente, Evelyn Wever Croes, a bisa NoticiaCla.com diamars merdia.
Parlamentario Richard Arends (AVP) mester proba, cu enberdad el a retira RdA,
pa e limpia su nomber segun e prome mandatario. Sinembargo Arends ta sigura
NoticiaCla.com cu el a entrega RdA e carta, pero no a produci e carta pa e portal
aki ainda.

E CASO

Henter e asunto a cuminsa ayera segun Wever a bisa Noticiacla.com. “ Ayera
Parlamentario Edgard Vrolijk a presenta un contrato laboral cu sr. Richard Arends a
wordo nombra como director financiero di RdA. Esey a sorprende mi, pasobra mi ta
corda cu un tempo pasa, a trece esaki dilanti, pero sr. Arends a nenga esey