Page 25 - MIN ON

Dr. Serena Does a tene charla

riba desigualdad di genero y

sexual harassment

10 April, 2017
0

Diahuebs anochi ultimo dr. Serena Does a tene un charla bon bishita, organisa

pa Center for Lifelong Learning na Universidad di Aruba. E titulo di su charla
tabata “A man’s world? Examining perceptions of gender inequality in politics

and the workplace.” Dr. Does tabata alumno na Colegio Arubano, un sociaal en
organisatiepsycholoog y ta trahando como investigador na University of
California, Los Angels. Durante e charla, dr. Does a papia riba su reciente

investigacion riba e eleccionnan presidencial Mericano y e impacto di e derota di
Clinton y e victoria di Trump tabata tin riba percepcionnan di inigualdadnan di

genero na Merca. Tambe el a papia riba su investigacion di sexual harassment
na trabao y con organisacionnan por maneha miho cu keho di trahadonan riba

sexual harassment tambe na Aruba, un topico hot cu a gana e atencion di
investigador y politiconan. Dr. Does a haci sugerencianan concreto pa

investigacion y aumento di concientisacion riba sexual harassment na Aruba y
den e region.
Entre esnan presente tabata e minister di Enseñansa, Michelle Hooyboere-

Winklaar. A base di e charla, minister a invita dr. Does pa un discusion y
unposibel cooperacion riba e materia di igualdad di genero.