Page 3 - GARAGE CORDIA
P. 3
ATLETANAN DI SPECIAL
OLYMPICS NA CAMINDA PA
DUBAI
6 March, 2019, 6:04 pm
Un delegacion grandi di hoben a sali direccion Dubai, unda cu nan ta participa den World
Games Special Olympics. Tuyo Werleman di e organisacion Special Olympics Aruba, a
menciona cu e atletanan a haya algun regalo di parti di sponsornan manera Digicel y
tambe Garage Cordia.
Digicel ta nan sponsor mayor, cual e organisacion ta hopi gradicido pa esey. Werleman a
menciona cu tur cos a cana suave. Prome nan ta sali pa Hulanda, unda cu nan ta keda un
anochi, djey nan ta sali pa Dubai.
Expectativanan ta grandi. Nan mes a bay cinco wega mundial caba y semper e atletanan a
cumpli y hasta a yega di bin cu medaya di oro. Ta spera cu tur cos bay bon tambe na
Dubai. Ta papia aki di un delegacion grandi. Un total di 21 atleta a sali pa Dubai. Tin
futbolista, bowling, badminton, atletismo, y varios otro disciplina mas. Werleman a splica
cu nan ta biaha diaranson pa Hulanda. Pa dia 7 di Maart nan ta bay Abu Dabi y tey bek
Aruba dia 22. Ta keda 3 dia na Dubai, pa asina climatisa y despues di 3 dia ta bay Abu
Dabi, caminda cu e ceremonia di apertura lo ta den un stadion masha grandi mes cu 7 mil
atleta y 10 mil voluntario. Semper cu Aruba a bay, atletanan a bin cu medaya. A ripara si
