Page 3 - ATA.

Den e estudio aki a saca afo e bon y e malo di nos “Tourism Destination
Development’. Estudionan tambe a wordo haci bou di nos bishitantenan unda e
resultado a sali bon pa Aruba. Banda di e puntonan positivo tambe tawata algun

punto negativo cu lo bay rekeri atencion den futuro. Algun di e puntonan cu a
wordo señala tawata; bon balor pa placa, e gastonan di biahe y estadia, falta di

oportunidadnan pa experiencia cultura local, cuminda local, historia, arte y pa
Aruba ta un destinacion pa Famia.

Nos tambe por a tuma nota cu e ultimo 3 aña Aruba a bira hopi comercial, tin

demasiado hende y cu e sentimento di insiguridad a aumenta. Pa cu e
motibonan aki a wordo bisa cu Aruba mester bay bek na e base di nos
comunidad cu ta siguridad, playanan bunita y hospitalidad. Nos ta consciente cu

ora e economia di un pais ta stabiel y cu e economia ta crece e tin como
consecuencia cu mas hende ta emigra pa e pais y esey ta trece cun’e cu

criminalidad ta subi, luganan ta mas yen y lo falta e hospitalidad y e cordialidad
di nos hendenan

local. E
saki ta puntonan cu mester haya atencion den tur sector di turismo y den nos

comunidad.

Den e investigacion bo por mira un convergencia entre e necesidadnan di

pueblo di Aruba y e necesidadnan di nos bishitantenan. Den todo caso e ta hopi
cla cu nos fundeshi cu ta bay bek na nos siguridad, nos playanan y nos

hospitalidad mester wordo fortifica cada instante. ATA ta bay bin cu hopi mas
ideanan pa sigui stimula y promove nos turismo den futuro door di ofrece nos

bishitantenan tur loke tin riba mercado local y tur loke ta autentico Arubano. E
tawata un anochi di hopi informacion y discusion den un ambiente placentero y

nos kier desea ATA hopi exito y sigui hiba Aruba pa dilanti!