Page 57 - HOH

Den conexion cu e di 60 aniversario di WGK, e POHnan kier a bin cu un serie di cuater
programa den television, den cual lo splica un tiki mas tocante e programa di POH.

El a reitera cu e POHnan a cuminza na aña 2012 debi na un necesidad hopi halto den e

malesa di diabetes unda cu hopi biaha pacientnan tabata drenta hospital pa motibo di e
malesa aki.

E ora ey conhuntamente cu AZV a dicidi pa cuminza cu e proyecto di POH. Esaki

kiermen cu den cada docter di cas a pone un enfermera cu ta specializa pa trata cu e
malesa cronico Diabetes.

E programa aki a cuminza como un proyecto piloto, cu a wordo extende na 2014 cu

tabata tin 6 POH, y na 2016 a dicidi di bay over na implementacion di esaki.

Esaki ta nifica cu el a bira fast. Pues, no ta un proyecto mas. Asina aki a busca hende
nobo cu alavez a cuminza haya les di un instituto di Hulanda.

Actualmente tin 32 POH di cual 13 ta den opleiding. E meta ta pa na final di dia tur
docter di cas por tin un POH y asina aki por trata e pacientnan di Diabetes y tambe e
pacientnan cu tin problema cardiovascular.

E programa di television parti den cuater parti, ta consisti di entrevista pacientnan cu ta
conoci den comunidad, pa asina aki nan conta nan experiencia cu e POH. Tambe lo
entrevista docternan di cas cu tambe lo papia tocante e trabao di un POH, y

logicamente a entrevista algun di e POHnan, cu lo conta con a bay cu un rutina diario
cu e pacientnan.

Sra. Mora-Croes ta invita comunidad pa entrevista Tele-Aruba, e proximo Diadomingo

pa 10 or di anochi, cu e prome programa lo bay den aire y e lo wordo ripiti Diaranzon.

https://www.diario.aw/2019/05/wgk-y-azv-lo-presenta-4-programa-na-tele-aruba-tocante-e-trabao-di-
poh/