Page 6 - MIN ON 17 FEB, 2017
P. 6
23 persona a gradua di e
programa di liderazgo pa
educacion na Universidad di
Aruba
17 February, 2017
0
Dia 14 di Februari ultimo na Universidad di Aruba Rector mr.dr. Glenn Thodé,
hunto cu facilitador principal renombra Janet Sanders, a entrega na 23
graduado di e programa Liderazgo Colaborativo pa Educacion un
certificado. Ta di tres biaha cu e programa aki a wordo ofreci na Aruba. Mitar
di e graduadonan tin funcion di cabesante o suplente di un scol. Un di tres parti
ta guiador di alumno. Mitar di tur graduado ta traha den scolnan primario, di e
resto mayoria ta traha na solnan di educacion avanasa. Di varios distrito di
Aruba,manera Playa, San Nicolas, Sta. Cruz y Noord tabata tin participante den
e programa indica.
E certificado ricibi ta prueba cu a cumpli cu e rekisitonan di e programa cu un
duracion di nuebe luna. Durante e periodo aki e participantenan a amplia nan
conocimento riba teoria y practica di con ta desaroya y fomenta liderazgo
colaborativo. Cada graduado a demostra di por a traha y ehecuta un plan di
desaroyo personal, guia y facilita otro grupo y persona, traha un estudio di e
profil cultural di su organisacion y a planea y cuminsa ehecuta un Proyecto
accion basa riba investigacion.
