Page 12 - MIN JUS_Neat
P. 12
PARLAMENTARIO MR. JUAN E. THIJSEN
(MEP): SEGUN ULTIMO DESAROYONAN
POLITICO Y HUDICIAL SOSPECHOSO
PRINCIPAL MESTER PASA DI SOSPECHOSO
PAUL CROES PA SOSPECHOSO GABINETE
MIKE EMAN.
May 19, 2017 Admin Uncategorized Leave a comment
Parlamentario mr. Juan E. Thijsen mescos cu tur hende na Aruba tambe ta sigui
desaroyo politico y hudicial referente e ola di corupcion na Aruba. Ministerio
Publico ta man yen di trabao y a cuminsa detene hende den e caso na unda
Ministro di Labor, Asuntonan Social y Hubentud ta ser acusa di varios delito
serio. Paralelo cu e caso di Paul Croes Aruba ta enfrentando acusacion otro
manera riba e benta y corupcion cu tereno di pueblo. Tambe tin acusacion contra
ex Ministro di Turismo y lider di e partido nobo POR Otmar Oduber di cu Oduber
lo a hinca plaka di fondonan publico den su saco.
Ainda ta pendiente e acusacion serio di parti di Dowers cu Otmar ta meti den
traficacion di droga etc. Pues segun Parlamentario mr. Juan E. Thijsen e
problema cu corupcion cu permisonan di trabao a amplia masha hopi mes y
Parlamentario mr. Juan E. Thijsen ta kere cu Ministerio Publico tin cu amplia nan
investigacion tambe. Ya no por papia mas di e sospechoso Paul Croes sino di e
sospechoso Gabinete Mike Eman ya cu e mayoria di Ministronan ta envolvi. Paul
Croes mes, de Mesa (permisonan CITGO), Benny Sevinger permiso y terenonan,
ex Ministro Otmar Oduber (tambe tabata encarga cu permiso), hortamento di
fondonan publico y meti den traficacion di droga y finalmente Mike Eman mes
sigur den e terenonan pero tambe e tapa tur e fechorianan y ta responsabel pa
nan. Parlamentario mr. Juan E. Thijsen ta duna Ministerio Publico e beneficio di
duda y ta kere cu te awor Ministerio Publico a mustra boluntad pa actua.
Di otro banda tambe tin e aspecto di capacidad di Ministerio Publico di por hiba e
escandalo gubernamental y hudicial mas grandi di nos historia na un desenlance
na unda husticia ta prevalece. No ta e prome caso ya cu den pasado a conoce e
caso di ex Minister Berlinksi, ex Prome Minister Henny Eman y ex Ministro Tico
Croes. E experiencia cu e resultado final no tabata mucho bon y ta spera cu e
biaha aki e bai mihor.
