Page 86 - MIN JUS_Neat

Cada teritorio insular ta wordo considera di ta un teritorio huridico apart di e Corte di Prome
Instancia.

Art. 11. E competencia relativo di e hues ta wordo fiha dor di cada teritorio of dor di e teritorio

hudicial den cua e echo castigabel a wordo comete, of dor di e teritorio hudicial respecto e luga cu e
sospechoso ta bibando of a wordo haña.

2. Den caso di participacion na e echo castigabel, respecto di un di e sospechosonan of

personanan complise responsabel, esey ta trece cune tambe e competencia respecto di e
otronan.
3. Si mas persona hunto of no, a comete diferente echonan penal, cu tin asina relacion cu otro
cu mester wordo considera deseabel p’e tratamento tuma luga dilanti di e mes un hues, e

echonan aki ta wordo considera, pa aplicasion di parafo dos di e articulo aki, di a wordo
comete den participacion.

4. Na tur momento di e persigishon penal, despues cu a entama e caso na Corte, hues ta manda e
caso, riba demanda di ministerio publico of riba peticion di e sospecoso pa un otro teritorio
huridico.

Echo castigabel den exterior

Art. 12. Un echo castigabel comete bordo di un barco, of avion di nacionalidad Arubano of
Antiyano, pa loke ta e autoridad di e hues, ta wordo considera di a wordo comete den e teritorio di e
nacionalidad di e barco of aeroplano.

Art.12.1 Echonan comete pafo di teritorio huridico di Antiya Hulandes na bordo di un barco of
airoplano di nacionalidad Antiyano, ta wordo considera, pa fiha e competencia di e hues local unda e
doño di e barco of airoplano ta biba of e sede cu e negoshi ta establese.

2. E persigishon di echonan penal, comete pafo di Antiya Hulandes, pero no bordo di un barco

oa airoplano di Antiya Hulandes ta tuma luga conforme e stipulacion di articulo11.

Art.13. Si no tin hues competente indica dor di e articulonan anterior, e Corte di Prome Instancia, cu
sede na Corsow, ta competente.

Art.14. E procurador-general ta tene supervishon riba un persigishon adecuado di echonan penal, y

pa tal fin, si ta nesecario, por duna fiscal, hefe di parket, ordunan.