Page 27 - MIN VOS

AWEMainta Diamars, 14 Maart 2017 9

Den spirito di celebracion di Dia Nacional, Aruba henter, ta invita pa bin celebra coronacion di restauracion di nos
Centro di Ciudad. Esaki ta sosode cu un broche di oro. E plaza ceremonial nobo, memey di e centro historico di Aruba,
ta wordo nombra na e yiu stima di su isla, compositor di nos Himno Nacional y ilustre artista Juan Chabaya 'Padu'
Lampe. Plaza Padu ta dedica na Tata di Nos Cultura. Ban dune tributo hunto cu co-compositornan di nos himno
nacional: Rufo Inocencio Wever y Hubert “Lio” Booi.

Plaza Padu ta e perla riba e corona di e renobacion total cu ta encera caya grandi completo y edicionan historico
manera Corte di Husticia, Watertoren, scolnan monumental - entre nan La Salle College y Domincus College, e edicio
anterior di Departamento di Impuesto, e plenchinan dilanti waf, museo arkeologico, edicio di Havenmeester, rescate di
nos Bestuurskantoor y awe amplia cu hoya di patrimonio nacional cu ta e edicio Cocolishi. Panorama di centro di
ciudad a cambia, a keda rescata y mehora, teniendo cuenta cu su historia monumental y cultural.
E prome parti di e evento ta cuminsa na Plaza Nicky Habibe, sigui pa inauguracion ocial di Plaza Juan Chabaya
“Padu” Lampe cu actuacion di artistanan local y internacional y ta termina cu e esta maestral pa hubentud riba Plaza
Daniel Leo, unda artistanan hoben lidera pa Jonathan “Jeon” Thiel ta duna e miho di nan talentonan.