Page 4 - POST DEC 22
P. 4
6 AWEMainta Diahuebs, 22 December 2016
Minister Paul Croes ta sigui cu e bon trabou
Nos a aumenta subsidio
di Imelda Hof den 2017
pa Awg 3.137.700,00
MINISTER Paul Croes den su afan pa sigui apoya muchanan cu ta bira vic-
tima di abuso sexual of negligencia di parti di mayornan iresponsabel, a pone
mas placa disponibel pa Imelda Hof.
“Asina nos ta apoya e organisacion aki pa sigui
cuida proteha y educa nos muchanan cu ta pasa
mal momentonan”, asina e titular di Asuntonan
Social y Hubentud a anuncia recientemente.
Den presupuesto pa januari 2017 a pone e suma di awg 3.137.700,00, cu ta
un aumento substancial di mey miyon florin compara cu e añanan anterior.
Tambe por bisa cu ta bay tuma mas trahador den servicio pa garantisa cuido
di nivel pa e muchanan. Di e manera aki sector social, specificamente esnan cu
ta traha contra abuso di mucha, ta wordo fortifica.
E suma di 3.137.700,00 miyon a keda aproba den tratamento di presupuesto
2017 y ta disponibel entrante januari binidero. E siman aki Minister Paul
Croes a firma varios decreto legal p’asina hunto cu su colega di finanza aloca e
fondonan necesario pa Imelda Hof.
“Satisfecho y contento di por contribui na yuda un organisacion asina importante
pa nos comunidad manera ta Imelda Hof y ainda tin mas organisacionnan cu
lo keda apoya financieramente”, asina Minister Paul Croes a mustra.
