Page 7 - MIN ON

AWEMainta Diamars, 14 Februari 2017 9

Experto local ta educando e UNIVERSIDAD di Corsou cu antes tabata Universiteit van de Nederlandse
maestronan di Aruba, Boneiro,
Corsou y Sint Maarten den e Antillen a acerca sra. ing Yvonne Webb-Kock, cu ta nos experto local na Aruba,
materia di arkitectura di Aruba pa ta e docente pa e materia “Arkitectura di Aruba”.

Actualmente varios maestro rib’e islanan Aruba, Boneiro, Corsou y Sint Maarten
ta sigui conhuntamente un estudio na Universidad di Corsou di masters den e
materia di lenguahe cu e modula “Educacion Den Herencia”. E studiantenan
ta maestro caba, pero ta eleva nan grado riba nivel di masters cu e estudio aki.

Sra. ing. Webb-Kock ta un graduado nominal di e universidad aki y actualmente
ta eherciendo e funcion di director na Monumentenbureau, esaki ta departamento
di Gobierno cu ta encarga cu nos monumentonan.
Minister di Asuntonan General, sr. mr. M.G. Eman a duna su aprobacion pa
sra. ing. Webb-Kock por a eherce e les aki p’asina por contribui na educacion na
nos maestronan cu awo na nan turno por traspasa e materia aki na nos siguiente
generacion.

E les riba nivel di masters a tuma luga na IPA y pa medio di “livestream” con-
huntamente tur islanan a sigui rib’e materia. A presenta e tema di arkitectura
cuminsando for di aña 1750 te na arkitectura moderno y alaves a pone enfasis
riba algun obranan di nos arkitectonan di Aruba.

E studiantenan/maestronan y e organisador di e estudio di Universidad di Cor-
sou a keda hopi impresiona cu e materia y e duna elogio pa sra. ing. Yvonne
Webb-Kock pa su bon trabounan cu e ta eherciendo pa e arkitectura di Aruba.

Intento di
ladronicia
riba dos dama

WILLEMSTAD – Dialuna 13 di februari

2017, alrededor di 5:25am, Polis a dirigi un
unidad na un hotel den area di Otrobanda, pa
intento di ladronicia cu violencia.

For di un investigacion cu Polis a realisa na e
sitio, a resulta cu dos dama a keda sorprendi pa
dos suheto cu arma di candela, net na momento
cu nan a yega na e bibienda.
E suhetonan aki bou di menasa cu arma di can-
dela a hinca nan paden di e apartamento, mara
nan mannan y cuminsa pidi pa un montante di
cen.

Simultaneamente tabatin un of mas sospechoso
cu a logra domina e bewaker y mesora nan a bay
pa habri e porta di e casino di e hotel uzando
ekiponan cu nan tabatin den nan poder.

Dado momento e alarma a activa y e hombernan
a bay for di e sitio sin cu a logra cu nan intento.
Atraco Tim ta continua cu e investigacion.