Page 85 - FDLP

yega un pais cu no ta di bo y tin otro idioma y cultura diferente, pero si tin e gana tin e

logronan. A mira esey den Nigel y awo cu el a bin bek por mira e fruto di esaki. Nigel

Calmes a bin bek no solamente cu experencia pero cu un titulo di campeon. Eugene

Kingsale ta corda cu a dur’e 8 aña pa por a haya un renchi y Nigel a logra esey den su

prome aña. E logro aki ta algo grandi y el a bisa mayornan di Nigel esey. Mester sigui

traha pa mantene esey y p’e bira mas miho.

Nigel Calmes a hunga cu Giants y Benjamin Francees ta contento di mira e desaroyo di e

pelotero. Ta hopi great pa mira un mucha yega veld pa train tur dia, e dedicacion. Nigel

no tabata falta un training, mayornan tabata importante pa trece na veld. El a participa

den torneonan internacional y el a bin cu premionan manera miho catcher. Desde chikito

a mira Nigel Calmes pa ta un prospecto den baseball.

Rudold Calmes, tata di Nigel, ta orguyoso di su yiu. No tin palabranan pa bisa con mi ta

sinti, el a expresa. E experencia entre Aruba y Republica Dominicana ta diferente,

pasobra na Republica Dominicana e muchanan ta enfoca mas riba deporte.