Page 76 - SOC JAN 24

Rene Herde': Pa tur trahado na Aruba No bay trabou no ta un
opcion den MEP ela bira custumber

Monday, 23 January 2017 20:38
Comparti

Pa tur trahado na Aruba trabou ta un factor importante den nan bida. E ta e forma cu nan ta gana nan
entrada pa cuida nan mes y nan famia. E ta un di e formanan cu nan ta contribui na nan pais. E ta un
forma pa nan desaroya den bida social den comunidad.

Pa tur e motibonan aki esnan cu ainda no tin trabou ta desea di haya un trabou mas lihe posibel. Y cu
nan rason. Tn un grupo di hende den nos comunidad sinembargo cu tin un otro actitud pa cu e trabou y e
responsabilidad cu nan tin. E miembronan di e fraccion di MEP den oposicion a haci'e parti di nan forma
di pensa y di biba pa NO bay trabou mes! Aña pasa nan a kibra tur record di ausencia y di no haci nan
trabou. Nan a haci'e un custumber di no lesa nan documentonan y despues keha cu nan falta
informacion. Nan a haci'e un custumber di traha den forma di warda: ora un baha for di warda e otro ta
subi. Anto e cambio di warda ta mey mey di un reunion. Ta pesey ora di vota tin biaha ni majoria di e
miembronan di e fraccion di MEP tey pa vota. Pero e dia despues nan ta keha den corant pa crea e
impresion cu nan tabata tey. Aña pasa y e aña aki caba nos a wak cu e fraccion di MEP no ta haya nan
trabou importante manera resto di trahadornan si ta pensa di nan trabou.

Prueba di e actitud totalmente tobez aki di MEP ta riba un sin fin di potret. PUNTO DI BISTA DI AVP
Miembronan di AVP ta di opinion cu trabou ta un actividad valioso y essencial den bida. Pa sigura
entrada, pa desaroyo personal, pa contribucion na comunidad y pa e responsabilidad cu nos tur tin cu
nos famia y cu nos comunidad, trabou ta esencial! Ta pesey no bay traha, no ta un opcion. Of manera e
miembronan di MEP ta haci, nan ta bay cas mey mey di un reunion, yega ora e reunion ya tin mitar
caminda ta bay of pio, keda sin bay traha mes. Loke ta conta pa tur trahado na Aruba, ta conta pa MEP
tambe: si bo tin un trabou, cuid'e, carga e responsabilidad bon, bay traha!