Page 49 - AHATA

FBI unico autorisa pa contesta pregunta

riba caso di morto bapor crucero

Posted on 11/20/2018 11:48 am AST | Updated on 11/20/2018 11:49 am AST

ORANJESTAD – E investigacion den e caso di e morto di e dama Mericano riba
bapor crucero Royal Princess parse di a tuma un buelta ‘nobo’. Esaki den sentido
cu tur pregunta pa cu e caso ta wordo referi aworaki pa agencia di investigacion
federal mericano (FBI). Asina vocero di ministerio publico Ann Angela a bisa
NoticiaCla diamars mainta. Mientras cu e no kier of por bisa cu si FBI a tuma e
investigacion ‘over’ completamente, el a bisa cu e unico cu e por bisa ta cu e tin cu
pasa tur pregunta refiriendo na e caso, pa FBI.

UPDATE

Manera cu NoticiaCla a raporta awe mainta, e pareha di e señora cu a fayece siman un
siman pasa riba bapor crucero Royal Princess, ta bek na Merca caba segun ABC News a
raporta diamars. E dama mientrastanto a keda identifica como Almarosa Tenorio (52), cu
te cu ayera ainda tabata na Aruba y confisca pa ministerio publicio. Segun vocero di
ministerio publico Ann Angela recientemente, e resultado di e autopsia ta conoci, pero e
resultado no ta wordo divulga ya cu e ta parti di e investigacion ainda.