Page 9 - AWEMAINTA

Diamars, 26 Maart 2019 AWEMainta 9

‘Kidpreneur$ With BIG Ideas’ cu presentation di SDGs na Traimerdia Noord

E programa ‘Kidpreneur$ With BIG Ideas’ di IDEA ta continua e

aña aki y actualmente e Traimerdia na turno t’esun na Noord.
Meta di e proyecto aki ta pa duna e muchanan di e klasnan mas

halto di scolnan basico workshops pa stimula nan pa pensa riba e

posibilidadnan pa bira un futuro empresario.
Parti di e programa di ‘Kidpreneur$ With BIG Ideas’ ta pa conscien-

tisa muchanan riba e Metanan Mundial pa un Desaroyo Sostenibel

(SDGs) y con pa uza e metanan aki den nan accionnan diario.

Diarazon, dia 20 di maart 2019, e muchanan di 5 y 6 klas di
de
de
Traimerdia na Scol Basico Washington, a haya un presentacion di
SDGs adapta na nan edad y despues a hunga un wega di mesa crea

y diseña pa United Nations Regional Information Centre (UNRIC),
conhuntamente cu ELYX by Yak. Di e forma aki nan ta cera conoci

cu e enfokenan mundial.

E muchanan a participa activamente, haciendo pregunta y contando

ehempelnan for di nan perspectiva.
Tambe e muchanan a haci uzo di nan sabiduria contestando e pre-

guntanan di e wega relaciona cu e tema.

E potretnan adhunto ta ilustra e atencion cu e muchanan tin riba e
presentacion di SDGs y con concentra y entusiasma nan tabata pa

por gana e wega.

IDEA lo sigui cu mas workshop n’e Traimerdianan na Aruba pa sigui

stimula e Kidpreneurship den nos muchanan. Nan ta gradici sra.
Gisela Kadir, beleidsmedewerker di Sustainable Development Plan-

ning di Departamento di Asunto Economico, Comercio y Industria,

pa facilita e workshop di SDGs na nos muchanan.