Page 46 - ARUBA BANK

RBC ta sigui partner cu Aruba Little League pa

sponsor aña 2019

February 5, 2019

RBC ya pa 20 aña ta sigui duna apoyo na desaroyo di hubentut di Aruba cu formalisacion di partnership cu
Fundacion Aruba Little League

Dialuna 4 di februari 2019 (Oranjestad, Aruba) – Awe tardi, RBC Royal Bank (Aruba) N.V. a formalisa un
biaha mas nan partnership cu Aruba Little League Foundation. RBC, sponsor di Little League ya pa 20 aña, a
firma contract pa 2019 cu Presidente District Aruba Little League Foundation durante un encuentro cu prensa

na oficina prinscipal di RBC na Sasaki.

Pierre Rafini, Country Manager di RBC Aruba a bisa: “Ya pa 20 aña RBC ta sponsor Fundacion Aruba Little
League y nos ta orguyoso riba e partnership ey. Baseball ta hunga un rol sumamente importante, na Aruba pero

tambe rond Caribe. E enfoke di RBC no ta solamente riba e deporte, pero mas bien riba e parti di inverti den e
desaroya di nos hobennan, cu ta un pilar pa e crecemento di cada pais”, asina Rafini a bisa. “Baseball ta yuda
agrandece nos hobennan, door di participa den Little League for di chikito muchanan ta siña colabora,
integridad, respet pa otro y disciplina. E calidadnan ey ta yuda forma ciudadanonan ehemplar y lidernan pa

futuro. Den nos acercamento y apoyo di RBC pa Little League esey ta keda para central. E ta defini RBC como
organisacion y ta duna bida na nos meta: yuda cliente crece y nos comunidadnan prospera”.