Page 31 - AWEMAINTA

Diamars, 16 April 2019 AWEMainta Corsou 31

UBER na

caminda

pa Còrsou!

WILLEMSTAD - Diasabra 4 di mei próximo Còrsou lo tuma
lugar e promé conferencia ‘e-Curacao Business Seminar’. Despu-
es di su anuncio oficial siman pasa, por mira un atencion grandi

p’e evento aki.
Un di e 5 oradornan internacional cu mas ta halando atencion
ta sr. Mario Vinasco (Marketing Manager Analytics) di e com-

pania conocí UBER (San Francisco).
UBER Technologies a revolucioná mundo cu nan app di pidi
Taxi. Tambe Vinaso a traha n’e compania Facebook pa hopi aña.

Ademas di Mario Vinasco di UBER lo tin un presentacion di sr.

Ramon Ray di New York. Ray ta un orador profesional y tambe
un ‘Best Selling Author’ cu vários buki di con pa haya mas éxito
dor di usa Facebook. Nos tur sa awendia con importante e ta pa

haci mercadeo via rednan sosial, pero Ray lo duna tipsnan con
pa haya mas cliente gastando ménos placa. Ramon ta un ‘serial

entrepreneur’ tambe cu a lanta y bende vários negoshi, pues e lo
inspirá e público tambe cu su storia di éxito.

Un otro orador internacional ta sr. Daan Gooning di Hulanda.
Daan ta un asina yamá un genio di inovacion kende a imple-
mentá vários aplicacion inovativo den diferente negoshi. Un di

nan cu a hala atencion di Google ta un Proyecto di ‘Google As-
sistant’ cu el a diseñá p’e kompania RaboBank. Daan lo elaborá
riba con importante e uso di ‘Bos’ ta y lo bira den futuro.

Finalmente Diederik Kemmerling y Ivy Lacle di The Lab lo duna

un resúmen di con Còrsou ta haci uso di social media. Pues aki
e público lo tende e último cifranan di e uso, con activo Còrsou
ta, cua t’e rednan cu mas ta wòrdo usa, pa cua grupo di persona

etc. Tambe nan lo elaborá riba tendencianan exitoso di compa-
nianan cu ya caba ta activo riba rednan social.

E seminario lo ta di 9 or di mainta te algo pasa di 1 or di mèrdia
na Santa Barbara Beach Resort y lo ta un programa variá cu tópi-

conan interesante combiná cu un tiki entretenimento tambe.