Page 7 - WEB
P. 7
autoridad di Merca a base di actonan criminal cu tabata tuma luga na e empresa tempo
Aruba tabata negocia e acuerdo Citgo.
DIARIO a presenta prueba cu persona di Citgo cu a bisa autoridad Mericano cu e tabata
culpabel den un caso pa laba placa y entrega falso di entrada, ta tata di e administrado
Krizia Gravina, kende tabata tin un relacion hopi cera cu Nelson Martinez.
Ta den e ambiente aki a firma e acuerdo di Citgo loke ta haci cu investigacionnan di
Citgo sigur lo inclui Aruba ya cu tin iregularidad cu placa cu a bandona Citgo pero nunca
no a yega nan destino Aruba.
Ta e deber di DIARIO pa prepara Aruba, cu manera for di aña pasa DIARIO a revela, a
wordo hinca den un escena sumamente dudoso, cu e grupo di Guaidó a pidi un
compania di accountant externo investiga.
Ta a base di e investigacionnan aki, Prome Minister Wever-Croes a wordo avisa cu tin
investigacion.
Ayera informacionnan internacional ta bolbe trece dilanti e confirmacion di Citgo, cu tur
cooperacion ta wordo duna na autoridad Mericano pa realisa e investigacionnan
criminal.
Citgo Aruba ta un filial di Citgo y den tempo di Maduro no tabata parti di un compania
di estado di Venezuela pero manera tur compania di estado di Maduro, un marioneta
den man di Grupo Maduro cu Corte Mericano ta considera riba e centro di tur accion cu
propiedadnan di PDVSA.
DIARIO lo sigui informa Aruba a base di berdad, mientras e isla mester prepara su mes
pa un situacion nunca bisto na Aruba, cu ta parti di un scandal criminal a base di e
negociacionnan y desaroyonan rond e proyecto Citgo.
https://www.diario.aw/2019/06/aruba-mester-prepara-pa-investigacion-scandal-criminal/
