Page 16 - AWEMAINTA

16 AWEMainta Diaranson, 23 Januari 2019

Prome evento pa tur socio comercial di KvK:

KvK a introduci directiva nobo durante New Year’s Celebration 2019

CAMARA di Comercio y Industria Aruba (KvK) a organisa

su tradicional “New Year’s Celebration”. Esaki ta tambe e

prome di hopi mas evento cu KvK tin planea pa organisa du-
rante 2019. E evento aki ta pa yama un bon-bini na un aña

nobo den compania di e miembronan di directiva di KvK. Un
invitacion a wordo extendi den nomber di e directiva di KvK

na diferente stakeholders y socionan comercial tanto den sec-

tor publico como sector priva pa nan ta presente n’e evento
social aki.

Den un ambiente hopi ameno y bon acompaña pa musica di
steelband, e invitadonan por a disfruta di e oportunidad den

auditorio y balcon di KvK pa encontra otro y elabora riba

diferente desaroyo y e bon intencionnan p’e aña nobo.
Presidente di Directiva, sr. Kawish Misier, a hiba palabra di

bon bini n’e invitadonan. Sr. Misier a splica kico e deseonan
di e directiva ta.

Directiva di KvK kier sigui traha na bienestar di comercio di

Aruba y mantene un bon contacto entre sector publico y sec-
tor priva.

El a indica tambe riba desaroyonan riba tereno di financia-

mento di negoshi cu ta wordo formalisa pa yuda negoshinan

nobo y cu kier crece. Tambe el a splica riba e ultimo desar-
oyonan di KvK caminda cu a duna un splicacion breve di e

intencion di KvK y e digitalisacion di su servicionan.

Sr. Kawish Misier a introduci e miembronan di directiva du-
nando un descripcion breve di nan expertisio y rol den e di-

rectiva.

Siguientemente a bisa un danki n’e team dinamico di KvK y
a culmina dunando tur esnan presente e libertad di combersa

cu otro y disfruta di e bon ambiente cu bebida y aperitivos.

DIRECTIVA NOBO

E directiva nobo ta conoce un cara nobo den persona di sra.
mr. Monica Kock. Sr. Kawish Misier a wordo eligi unanimam-

ente dor di e directiva como Presidente di Directiva y sr. Satish
Daryanani como Vice Presidente. E demas miembronan di

directiva ta sra. Wanda Broeksema, sra. Alexlindy Croes, sr.

Omar Tromp, sr. Lionel de Cuba, sr. August Croes y sr. Ran-
dall Croes.

Camara di Comercio y Industria Aruba ta desea henter pueblo

di Aruba, en particular tur nos comerciantenan, un prospero
2019 yena di dicha y hopi exito.