Page 32 - HOH_Neat

Parlamentario drs. Mervin Wyatt-Ras a tuma nota di declaracion di Minister di

Salubridad cu e lo no consulta cu mediconan y specialistanan mas encuanto registracion

di Beroepen in de Gezondheidszorg (BIG).

Wyatt-Ras no ta di acuerdo cu e opinion di e minister. Segun Wyatt-Ras gobierno mester

keda dialoga cu actornan importante den salubridad. No ta pasobra e asunto ta den partij-

programma di gobierno tin cu tuma decision sin discuti suficiente. Ta salud di nos

hendenan mester ta na promer lugar den henter e discucion, segun Wyatt-Ras. E ley di

BIG a ser aproba unanimamente dor Parlamento na anja 2015. Promer cu esey e ley di

Calidad di Cuido di Salud esta “Kwaliteit van de Gezondheidszorg” a ser aproba na 2014

unda cu den e ley aki ta stipula cu lo mester lanta un Instituto di Calidad pa e.o. registra y

evalua (toets) dokternan, specialistanan y tur esnan cu ta traha den ramo medico. E

profesionalnan lo mester cumpli cu normanan y standaard di calidad pa por registra y

traha. Minister anterior ya caba a haci preparacion pa por inicia cu e instituto. Esaki a ser
regla den un Landsbesluit. E Instituto aki ta den e fase inicial.

Por a tuma nota cu minister actual lo continua cu e trabounan di e minister anterior al

respecto pa lanta e Instituto aki. Loke Wyatt-Ras no ta di acuerdo cu n’e ta e

expresionnan di e minister cu no kier delibera mas cu profesionalnan medico ya cu e ta

sali afor cu tin consensus cu nan caba, mientras nan no ta pensa asina. Tampoco no ta bon

pa ataca e ex-director di AZV.

https://24ora.com/minister-mester-keda-abierto-pa-intercambio-cu-profesionalnan-encuanto-
registracion-di-big/