Page 61 - MIN SOC
P. 61
Post Aruba NV ta haci 32 famia contento cu un basket
Wednesday, 28 December 2016 18:09
Comparti
Temporada di Pasco y Fin di Aña ta un temporada pa comparti. Esaki ta e proposito di Post Aruba NV e
temporada aki. Siman pasa Post Aruba NV a parti basketnan di Pasco pa famianan cu nan ta considera lo
por haci bon uzo di dje. Manera ta bin ta haciendo e ultimo añanan, pa medio di cada partido di carta a
scoge un cas riba nan ruta.
Ta trata di 32 ruta y den cada ruta a parti un basket di Pasco na cada famia cu a wordo escogi. Despues di
a parti e basketnan, algun colega a corda riba e cas di un persona cu no tabata riba lista pa e aña aki, y
asina e grupo di colega aki mes a colecta entre nan mes y a cumpra un basket adicional. Pa cu e accion aki
a haya e contribucion di Oduber Agencies, Compra y TEC, kendenan Post Aruba ta gradici pa a yuda haci
esaki uno mas grandi. Mester agrega tambe cu e aña aki, Post Aruba NV tabatin 10 regalo pa mucha.
Esaki ta nifica cu algun mucha cu ta biba den e casnan selecta a ricibi tambe un bunita regalito di Pasco.
Post Aruba NV ta desea henter pueblo di Aruba un Feliz Pasco y un prospero 2017.
