Page 40 - Djamars 21 ougustus 2018.pdf

40 Djamars 21 Ougùstùs 2018
MFK: ‘Ta per-

siguí Gilmar
“Pik” Pisas pa

basta tempu’

Riba órden di
polítikonan ulandes
WILLEMSTAD.- Segun
partido MFK tin hende ku
ta persiguí parlamentario
pa e partido Gilmar “Pik”
Pisas pa basta tempu. Pisas,
ku ta un agente polisial,
resientemente a konfrontá
e hende ku a persiguí su
persona.
Segun lider di partido
MFK Gerrit Schotte den un
app: ‘Polítikonan Hulandes
i nan marionetanan, RST i
OM ta “bezig” atrobe. Awor
e “target” ku falta di MFK
pa eliminá for di mapa
polítiko ta señor Gilmar
“Pik” Pisas un hòmber
krioyo den tur aspekto,
humilde, un piskadó mas di
Bándabou ku den elekshon
último di aprel 2017 siendo
Minister di Hustisia i
Minister Presidente alabes
pa MFK den dos luna a logra
aglomerá hopi atenshon
i konfiansa i a surpasá
3000 voto pa e lista di MFK
na posishon # 3.’ Segun
Schotte e persiguishon ta
parti di lucha kontra su
partido. ‘MFK tin ku wòrdu
destruí a kosta di tur kos
pa limpia e kaminda pa
polítikonan lokal di partido
nan ku ta siguí òrdu di
“Politiek Den Haag” al pie de
la letra, ku apesar ku nan ta
gobernando sin niun hende
strobá nan, nan ta zink nos
pais.’