Page 22 - BNDIA ARUBA

A22 bistA politico
Diamars 4 september 2018
Parlamentario ShailinyTromp-Lee (MEP):

‘Felicitando Centro di Bario Brazil cu diferente eleccion cultural’

ORANJESTAD - Desde 12 di augustus Centro di Bario
Brazil ta di fiesta y den celebracion. Dianan 18 di au-
gustus y 25 di augustus 2018 a tuma luga diferente elec-
cion cultural caminda a keda eligi nos Baby, Chikitin,
Prenda, Damita, Dama, Gran Dama y Dama Grandi
Cultural.

Dos anochi yena di cultura y folklore, caminda den tur pre-
sentacion a resalta e amor pa nos dushi Papiamento y e uzo di
dicho y proverbio. Tambe hopi atencion a keda duna na nos
custumber y tradicionnan, sin laga afo nos musica y bistimen-
to tradicional. Tremendo actividad cu aña pa aña ta sigui crece.

Mi ta contento di por a aporta na un di e eleccionnan y sigur ta
gradici pa e invitacion ricibi. Desde cu Centro di Bario Brazil
a inicia cu e actividad aki semper mi a acudi y hunto cu mi
famia a duna nos sosten.
Amor pa mi cultura ta algo cu di cas nos a lanta cu ne y sigur
manera Vicente Ras ta bisa “Gusta di otro, cuida y stima loke
ta di nos!”.
Mi ta convenci cu actividadnan asina ta aporta grandemente
na nos herencia cultural y mas cu tur cos ta un manera pa
traspasa esaki pa e generacionnan nobo. Durante un anochi
asina bo ta mira trahenan tradicional y nos bailenan folklor-
ico keda presenta. Bo ta scucha di nos historia, custumber y
tradicion y mas cu claro bo orea ta haya caricia di nos musica
crioyo.
Mi kier a haci uzo di e oportunidad pa felicita directiva di
Centro di Bario Brazil, comision organisado, tur boluntario
cu mi sa a y lo traha masha duro mes, tur e candidatanan cu
a participa, e gruponan di baile y mas cu claro na e publico
grandi cu e asisti na e actividadnan aki.