Page 23 - BNDIA ARUBA

a23
bista politico Diamars 25 Juni 2019

Partido MEP a celebra Dera Gay

ORANJESTAD – Meta di Partido MEP
semper ta pa promove y duna realse na nos
cultura. Pa partido MEP, cultura di nos pais
ta hopi importante cu mester wordo man-
teni y pasa na nos muchanan. Diadomingo
atardi na Plasa Status Aparte na Santa Cruz
a tuma luga e grandioso celebracion di Dera
Gay. E fiesta di San Huan y Dera Gay ta
un tradicion importante y bunita den nos
pueblo, y un biaha mas partido MEP ta sali
pa demostra con importante e tradicion aki
ta pa nos.
Un multitud grandi a gosa di e diferente activi-
dadnan cu tabatin, entre otro gruponan di
baile di hende grandi, como tambe di muchanan,
entre nan nos muchanan special. Diferente
bandanan a toca pa deleita e publico cu nan en-
tretenimento.
Remarcabel tabata nos muchanan y nos hoben-
nan presente cu a bin celebra Dera Gay cu
MEP. Nan a participa den grupo di baile y tambe
como bishitante hunto cu nan
mayornan. E hoben Eliel David a entrega un
bunita discurso, na unda cu el a gradici partido
MEP, tur minister y parlamentario. E hoben Eliel
a skirbi for di su curason e palabranan cu e
kier a bisa, gradiciendo Gobierno pa proteha y
prepara un bon futuro pa nos muchanan.
Prome Minister Evelyn Wever-Croes y Minister
di Cultura Xiomara Ruiz-Maduro a hiba
palabra gradiciendo esunnan presente pa nan
presencia y curashando nos pueblo pa keda
semper uni pa nos hunto logra bienestar y pro-
greso pa nos pueblo.
Na e ocasion aki tambe, presidente di partido
MEP, parlamentario Hendrick Tevreden, den
nomber di partido MEP a entrega un reconoci-
mento special na lider di partido, Prome
Minister Evelyn Wever-Croe,s gradiciendo y fe-
licitando nos lider pa e 10 aña den politica
realisando trabounan incansabel trahando pa par-
tido y pa henter pueblo di Aruba cu
perseverancia. Alabes Tevreden a propone pa
Wever-Croes keda como lider di partido MEP pa
e proximo añanan.

Wever-Croes a expresa cu p’e semper ta un placer
pa lidera partido MEP, y hunto lo bay pa e proxi-
mo eleccion pa sigui traha pa nos pueblo.

Ta algo hopi bunita pa mira con e pueblo ta cel-
ebra e fiesta di San Juan, un fiesta di pueblo di
berdad. MEP ta compromete di duna cultura e
atencion cu e tin mester di berdad. Pabien
Aruba cu celebracion di Dera Gay!