Page 14 - DESPA 3rd JUNE 2017
P. 14
Boneiro
SITUASHON AKTUAL DI
EFEKTONAN DI DERAME DI
PETROLIO
2 MINS
POST VIEWS: 1
KRALENDIJK, Boneiro
Desde wikènt pasá un tim di trabou konsistiendo di gobièrnu, Stinapa i Selibon ta limpiando e
bichnan ku a keda afektá pa motibu di e derame di petrolio ku tabatin su orígen na Trinidad.Gobièrnu
di Boneiru huntu ku Stinapa a vigilá tur bich i no tabatin denunsia di bich afektá na e kosta pabou di
nos isla. Esunnan ku ta deseá esaki por bishitá e bichnan aki pa rekreashon. No tabatin atvertensia pa
loke ta trata landamentu, snòrkelmentu òf sambuyamentu na e bichnan na kosta pabou.E bichnan
afektá Lac, Sorobon, Lagun i Washikemba ta práktikamente limpi. Diariamente boluntarionan ta hasi
e bichnan limpi. Nan a raportá na Stinapa ku ta solamente bala di breu hopi chikitu ta yega tera na
kosta. Tin un akshon di limpiesa grandi planiá pa djasabra 3 di yüni na kosta sùitost di Boneiru.
Boluntarionan por registrá na volunteers@stinapa.org. E awa di e bichnan afektá manera Lac i
Sorobon no ta tóksiko. Sinembargo mayornan mester ta alerta i prevení ku nan yunan ta hunga ku e
balanan di breu. Si bo mira bala di breu den awa, no mishi ku nan ku man ku no ta kubrí. Pone
outoridatnan na altura di esaki. Si bo a mishi ku breu bo tin ku limpia bo kueru ku ‘babyoil’ òf zeta
dushi. Breu no nesesariamente ta peligroso pa bo kueru, pero serka algun hende por surgi un
reakshon alérgiko komo konsekuensia di e supstansia. Den un kaso asina bo tin ku tuma kontakto ku
un dòkter.Te asina leu ku ta konosí serka nos no tin un riesgo grandi pa kome piská. No kue ni kome
piská ku visibelmente ta sushá ku breu. No kome piská ku tin un holó straño òf malu. Si bo deskubrí
breu den santu òf den laman òf si bo mira un bestia ku ta kubrí ku esaki, por fabor mèldu esaki na
outoridatnan òf na Stinapa na number 599 717 8444.
