Page 24 - DESPA 3rd JUNE 2017

Nos ta algun for di e problema cu e petroleo cu a pega riba nos costa. Nos a papia cu Rino Hermans di
Rampenbureau, kende a splica cu a premira cu lo bay dedica 7 dia na e incidente aki na noordkant.

Danki Dios cu e costa zuid y west, no a ricibi efecto di e tarballsnan aki. Noordkant, manera cu e tabata
planea, ta riba schedule y ta recuperando di dje. Awe tabata tin hopi menos tarballs. Pero esey no a duna
un indicacion cu a yega na final. Por ta e stroom a cambia, algo ta haci cu awe no tabata tin suficiente.
Tur cos ta bay segun cu a wordo planea. Tur dia ta reinventa, rescout e area. E ta riba e planning. Tin
hende ta bisa cu a pasa wak y mira ekipo ta haciendo limpi. Ta haci limpi tur dia y despues ta lag'e subi
atrobe, pasobra esey ta e planning y recomendacion internacional pa laga e tarballsnan subi y lanta
mainta y ruim op e beach. Esey ta cumpliendo cun'e. DOW ta on top y tur cos ta structura. Ta
structurando e voluntarionan, pero ta midiendo tambe pa no envolvi e voluntarionan si e ta bahando.
DOW mes su ekipo tin 350 hende disponibel pa e prome impacto. Pero e impacto mas duro ta spera cu a
pas'e caba dialuna y diamars, pasobra ya ayera a cuminsa wak cu el a bira menos y awe tabata hopi mas
menos y e area a bira mas concentra banda di Boca Grandi y Bachelor's Beach.

Segun Hermans, den parke mes, Daimari y Boca Prins a haya atrobe, pero no den e cantidad cu a ripara e
prome dianan. Tur cos a keda panort Tur cos a keda panort, segun Hermans, pero tin expertonan
specialisa den response di oilspil. Tin contacto cu nan. Nan ta asisti Rampenbureau. Nan no ta nan so y
no ta pretende tampoco di ta experto. A busca asistencia internacional pa por yuda y tin cu cumpli cu
Ramp Attack cu ta e coordinador di oilspill den e area. Tin hopi mas cos rond di un oilspill cu solamente
haci e beach limpi. Tin hopi cos cu tin cu tene cuenta cun'e y esey Rampenbureau ta encarga pa tur cos
wordo cumpli, segun Ramp Attack su procedura, pa nan por tin derecho di bay claim ken a comete e
daño y ken ta paga e daño.