Page 63 - ARUBA BANK
P. 63
Por lesa bek den e decreto tambe cu no ta Gobierno di Reino so a constata esaki, pero
IMF y “Raad van Advies” tambe a constata esaki, Rocco Tjon a sigui splica.
PROTOCOL 2 MEI 2015
Debi n’e decreto menciona Gabinete Eman 2 a firma un protocol riba 2 di mei 2015 den
cual nan a bay di acuerdo pa bin cu un organo di supervision.
E organo aki nos conoce awe bou e nomber di CAFT. Apesar cu Raad van Advies a bisa
den nan conseho riba e ley original di 2015 cu e ta empugna cu nos Constitucion y nos
Statuut, fraccion di AVP den Parlamento e tempo ey a vota na fabor di e ley aki y de
facto entrega nos autonomia financiero.
PA CONCLUI
Den e siguiente clip y articulo nos lo elabora riba e conseho di Raad van Advies riba e ley
di 2015 y tambe splica con e organo di supervision y Hulanda a funciona for di 2015 te
cu 2017.
E topico aki ta sumamente importante pa nos pueblo y e dushi pida baranca aki.
Ta p’esey MEP ta percura pa informa pueblo debidamente. No laga nos pais wordo
dividi, ban uni, p’asina conforme e maneho di Gabinete Wever-Croes recupera nos
autonomia financiero, Rocco Tjon a conclui.
