Page 13 - bon-dia-aruba-20180825

a13
riba caya Diasabra 25 augustus 2018

Polis a para chauffeur coriendo auto bebi

ORANJESTAD - Diaranson atardi, central di polis ta
haya un informe cu lo tin un auto Chevrolet coriendo
basta malo riba caminda. E auto lo ta ariba e caminda
di Paradera pa Tanki Leendert, y e lo ta yegando e ro-
tonde di Tanki Leendert.

Pa casualidad un patruya di polis tabata cerca di e rotonde di
Tanki Leendert y a keda warda e auto. Asina cu polis a wak
e auto, nan a duna e chauffeur señal pa para y a bay over na
control. A pone e chauffeur supla y a resulta cu su nivel di
alcohol tabata basta halto. A detene e chauffeur pa core auto
bou di influencia di alcohol y a keda hiba warda pa e presenta
dilanti un sub-fiscal y tambe pa wak si ta kita su rijbewijs, ya
cu el a supla hopi halto.

Problema di famia a resulta den detencion

ORANJESTAD - Entre Barcelo y Hilton Hotel a surgi un
problema entre un famia cu a baha for di catamaran, pero nan
tabata basta cansa y bou influencia di alcohol. Aki a start un
problema den presencia di polis y detencionnan a cay. Re-
fuerso policial a yega pa duna e coleganan un man. Asina a bay
cu e detenidonan pa warda di Strand Politie.